Stofnunin hefur sérhæft sig í  útfærslu laga er lúta að upplýsinga- og tjáningarfrelsi, friðhelgi einkalífs og persónuvernd í hinum stafrænu heimum. Eitt af hlutverkum stofnunarinnar er að fylgjast náið með þróun laga af þessu tagi, sem og tækni sem gæti haft áhrif á borgararéttindi á heimsvísu til að geta tryggt að okkar viðmið séu alltaf miðuð útfrá þeim sem ná best utan um mannréttindi og friðhelgi.

Stjórnarmenn og starfsmenn IMMI hafa unnið með sérfræðingum, lögfræðingum, aðgerðasinnum og blaðamönnum, samtökum og öðrum stofnunum til að viðhalda og deila þekkingu, þá hefur verið leitað til okkar eftir áliti á lögum, stefnu og öryggi gagna í íslenskri lögsögu.

IMMI er þáttakandi í Digital Rights Watch verkefninu (DiRiWa), sem hefur það að markmiði að skrásetja og fylgjast með stöðu á stafrænum réttindum og upplýsinga réttinum séu virt víðs vegar um heim.